I den vesle kommunen vår, har vi eit relativt godt idrettstilbud, med stor vekt på ski- og vinteraktivitetar. Det er imidlertid behov for fleire heilårstilbud, ikkje minst for dei som ikkje er så ivrige på ski. Hestesporten er på lik linje med andre idrettstilbud, viktig i kommunen, men vi treng bedre fasilitetar. Sikkerheten er på langt nær god nok for hesteaktivitet vinterstid og vi treng ein godkjent stall. Mange held på med hest livet igjennom, på ulike nivå. Eit godt hestesportsmiljø vil bety mykje for trivselen til dei som har dette som hobby. Det vil også vere positivt med tanke på «Hyttebyklarar» og besøkande. Forsking viser at barn som har hest som hobby, har eit fortrinn når det gjelder meistring, både på skolen og ellers. Dei lærer å ta ansvar, vise omsorg og forstå kva det betyr å forplikte seg. Vi vil også bidra til å skape ein etterlengta møtestad for barn og unge, i rusfritt miljø utan kjøpepress - ein stad for alle, uavhengig av interesser.

​

Stallplassane vi leiger i dag, i det gamle kufjøset på Fjellgarden Hovden, er i svært dårleg forfatning og har ikkje tilstrekkelig takhøgde, slik at det berre er gitt midlertidig dispensasjon frå Mattilsynet til å bruke dette. Det er uheldig avrenning frå gjødsel grunna sprekkar i betongen og bygget vil ikkje bli oppgradert. Det er i utgangspunktet 6 stallplassar her, men ein nyttar også to provisoriske boksar i ein uisolert del av bygget.

​

Rideklubben vil bidra til ny møtestad for barn og unge, samt eit viktig heilårs aktivitetstilbud med lite fokus på konkurranse - og ikkje minst i trygge omgivelsar.